- Album Intro
- Lyrics
- Album list
- Singer Intro
生祥與瓦窯坑 3
-
都市開基祖
Lyricist：鍾永豐
Composer：林生祥
[客語]
阿公介當晝頭
佢最好細姑丈轉妹家
佢講一段開基史
哀哉，傍一塊三層靚
上聯是祖上本冇地
做長工墣旱田開石崗
穀租六成
到尾還欠頭家帳
下聯是打幫三七五
討薪臼拆舊債牽牛牯
禾菸豆芋
屋起堂開振鴻圖
阿爸介暗晡頭
佢不時一食飽就揮蓆
毋係尋陣黨怨政治
就係騎引擎邏心事
後生時阿爸願出庄
駛送車做學徒佢全想過
奈何長子 老弟老妹還稚稚
十五六盲轉大人身
臂穀包使牛犁冒硬事
一分泥搵到
佢講是 嗷正吶
洗有洗毋落
阿公佢是硬頸介國民黨
阿爸偏偏係死忠介民進黨
一句起二句止三句齧牙省齒
兩子爺佢等兩畬冇緣三句多
都市介臨暗頭
捱登常左泡麵右罐頭
叩首再叩首三叩首
敬阿公講介 開基祖
都市開基祖
稅屋是鳥籠仔大細
月給薄薄仔兩尖
所費是項項會齧人
都市開基祖
省省廞廞存冇三七五
左泡麵右罐頭
叩首再叩首三叩首
[中譯]
阿公的正午時
他最愛小姑丈回娘家
聽他講一段開基史
哎喲，配一塊三層肉
上聯是祖上本無地
做長工租旱田開石崗
穀租六成
到後還欠頭家帳
下聯是好在三七五(減租)
討老婆償舊債買公牛
禾菸豆芋
屋起堂開振鴻圖
阿爸的夜晚
他不時一吃飽就離家
不是找同黨怨政治
就是騎機車巡心事
年輕時阿爸渴望出庄
開卡車當學徒他全想過
奈何長子 老弟老妹還幼稚
十五六未轉大人身
扛穀包駛牛犁攬硬活
一給土沾到
他講是，哀喲喂
洗都洗不掉
阿公他是硬頸的國民黨
阿爸偏偏是死忠的民進黨
一句起二句止三句咬牙切齒
父子倆他們無緣三句多
都市的傍晚
我經常左泡麵右罐頭
叩首再叩首三叩首
敬阿公講的 開基祖
都市開基祖
租房是鳥籠般大小
薪水薄薄的幾張
開銷是樣樣會咬人
都市開基祖
省省儉儉存沒三七五
左泡麵右罐頭
叩首再叩首三叩首
-
|
