- Lyrics
- Album list
- Singer Intro
郭金發
-
唉鬱卒啦
唉~鬱卒拉 (ど根性一代) Lyricist:劉達雄 Composer:大久保德二郎
電塔唱片音樂出版
《唉鬱卒啦》Eh! Ut-tsut--lah 郭金發Kueh Kim-huat ------------------------------------------ ↓↓---(口白)---↓↓ 欸!欸!鬱卒 eh! eh! ut-tsut 鬱卒啦鬱卒啦 ut-tsut--lah ut-tsut--lah 滿天烏雲雷公受氣 muá-thinn oo-hûn luî-kong siūnn-khì 欸~又閣欲落大雨啦 eh~ iū-koh beh lo̍h tuā-hōo--lah ↑↑---(口白)---↑↑ 阮本是人家歹命囝 gún pún sī jîn-ke pháinn-miā kiánn 離開爸母來出外 lī-khui pē-bú lâi tshut-guā 飄撇的男兒意志 phiau-phiat ê lâm-jî ì-tsì 雙手空空拍天下 siang-tshiú khang-khang phah thian-hā 抱著希望毋驚艱難 phō tio̍h hi-bāng m̄-kiann kan-lân 早暗做工討生活 tsá-àm tsuè-kang thó sing-ua̍h 想起來過了三冬 siūnn--khí-lâi kè-liáu sann-tang 啊~猶原困苦咧拖磨 ah~ iu-guân khùn-khóo teh thua-buâ ↓↓---(口白)---↓↓ 三年前落大雨彼日 sann-nî tsîng lo̍h tuā-hōo hit ji̍t 離開故鄉來到都市 lī-khui kòo-hiong lâi-kàu too-tshī 我對天立誓 guá tuì thinn li̍p-sè 成功才欲倒轉去 sîng-kong tsiah beh tò-tńg--khì 人講都市滿地全黃金 lâng kóng too-tshī muá-tē tsuân n̂g-kim 三年來 sann-nî lâi 我做工流汗無暝無日 guá tsuè-kang lâu-kuānn bô-mî-bô-ji̍t 想袂到 siūnn bē kàu 今仔日雙手猶原空空 kin-á-ji̍t siang-tshiú iu-guân khang-khang 若想起故鄉的親人 nā siūnn-khí kòo-hiong ê tshin-lâng 對我抱著希望 tuì guá phō-tio̍h hi-bāng 我愈想就愈見笑 guá jú siūnn tō jú kiàn-siàu 唉~我真鬱卒啦 haih~ guá tsin ut-tsut--lah 鬱卒鬱卒啦 ut-tsut ut-tsut--lah ↑↑---(口白)---↑↑ 若親像滿天罩烏雲 Find more lyrics at ※ Mojim.com ná-tshin-tshiūnn muá-thinn tà oo-hûn 心肝鬱卒袂精彩 sim-kuann ut-tsut buē tsing-tshái 向天來吐出大氣 hiòng thinn lâi thòo-tshut tuā-khuì 英雄末路空悲哀 ing-hiông bua̍t-lōo khang pi-ai 想起前途茫茫渺渺 siūnn-khí tsiân-tôo bông-bông-biáu-biáu 每日做工往東西 muí-ji̍t tsuè-kang óng tang-sai 天邊的雷電閃爍 thinn-pinn ê luî-tiān siám-sih 啊~天公為我流目屎 ah~ thinn-kong uī guá lâu ba̍k-sái ↓↓---(口白)---↓↓ 雷公爍爁phih-pheh吼 luî-kong sih-nah phih-pheh háu 雨落甲遮爾大 hōo lo̍h kah tsiah-nī tuā 今仔日做工 kin-á-ji̍t tsuè-kang 又閣愛停起來 iū-koh ài thîng--khí-lâi 欸~天公伯仔 eh~ thinn-kong-peh--á 人生哪會遮爾袂親像 jîn-sing ná ē tsiah-nī buē tshin-tshiūnn 看人隨時會得著 khuànn-lâng suî-sî ē tit-tio̍h 成功的日子 sîng-kong ê ji̍t-tsí 為怎樣我 uī-tsuánn-iūnn guá 今日猶原艱難 kim-ji̍t iu-guân kan-lân 受著拖磨 siū-tio̍h thua-buâ 想著自己前途茫茫 siūnn-tio̍h tsū-kí tsiân-tôo bông-bông 機會毋知何時會來 ki-huē m̄-tsai hô-sî ē lâi 欸~愈想愈鬱卒 eh~ jú siūnn jú ut-tsut 鬱卒啦 ut-tsut--lah ↑↑---(口白)---↑↑ 做男兒決心來立誓 tsuè lâm-jî kuat-sim lâi li̍p-sè 著愛期待好機會 tio̍h-ài kî-thāi hó ki-huē 有一日時機若到 ū-tsi̍t-ji̍t sî-ki nā kàu 千萬毋通來錯過 tshian-bān m̄-thang lâi tshò-kuè 好好把握認真奮鬥 hó-hó pá-ak jīn-tsin hùn-tàu 爭取成功啥問題 tsing-tshú sîng-kong siánn būn-tuê 阮今日心頭鬱卒 gún kim-ji̍t sim-thâu ut-tsut 啊~將來也會開心花 ah~ tsiong-lâi iā ē khui sim-hue
-
|